Tamién conocíu como Berto Vázquez, es un artista gráficu, dibuxante, cortometrista y documentalista que nació en Mieres en 1973. Galardonáu en 2017 col premiu IX Alfonso Iglesias de comic pola so obra «Los llazos coloraos» onde fai un percorríu poles fuelgues de la minería asturiana introduciendo esperiencies vitales de dos participantes de les mesmes. Tamién ye autor de los documentales «Vicente García Riestra», «Guardián de Memoria y Mines de Figareo», «Memoria d’una llucha».

-Un llugar pa perdese una fin de selmana…

Conceyu de Caso. Pa comer, dormir y pasear.


-Un llugar pa vivir…

Onde nun gobierne la derecha. Uviéu non. Tanta banderona… Parez que volvieron a los años 40 y Franco vien de visita.


-Un platu…

Un Arroz con pulpo que probé en Cudillero (Cuideiru) nel Mesón El Carbayu. Sólo lo faen por encargu. Val 40 euros y comen 4 persones bien.


-Un postre…

Nun soi muncho de postre, pero si hai qu’elixir: La tarta de María Luisa o una tarta de quesu.


-Una playa pa pasar el día…

Después d’una hora de playa yo canso. Bañarse, secar y fuera. Como sitiu guapu pongamos la playa de Barayo.


-Un pueblín que nun podemos dexar de ver…

Felgueras en L.lena onde también pues comer en Casa María.


-Un chigre pa tomar unos culinos…

A mi nun me presta que m’echen sidra. Echen unos calderaos que t’encharquen. Acabo vomitando. Yo prefiero pitorru. Que te echen la sidra ye un actu servil que me resulta incómodu. Como chigre guapu, El Tribunal en L.lena.


-Un parque natural pa visitar…

Opino que a ese tipo de sitios cuanta menos xente vaya, meyor. Pero ya que falé del Conceyu de Caso, pongamos el Parque de Redes.


-Una fiesta a la que nun faltar…

A la Semana Negra de Xixón me presta dir y a San Mateo al Pinón Folixa n’Uvièu. Y una de Mieres voi a recomendar: La fiesta de La Teyerona.


-Un muséu pa recomendar…

Cualquiera de los de la minería y siderurxa na cuenca minera del Nalón.


-Un momentu de la hestoria d’Asturies que te prestaría vivir…

Tendría curiosidá por ver el ambiente que se respiraba nes cuenques mineres na Fuelga de 1962.

-Un baille pa pasalo bien…

¿Baille asturianu? Nin idea. Sólo pueo dicir que me gusta la tonada asturiana y los cantares de pandereteres.


-Una pallabra n’asturianu que te preste…

Champanal.


-Una tradición que nun pue perdese…

Les andeches, el trabayu comunal.


-Una espresión n’asturianu que te preste…

Hailes mui gracioses, pero puen sonar machistes o ofensives cola relixón y la autoridá… También les hai gracioses pa que seyan diches por muyeres con remangu… Son pal chigre, non pa un mediu escritu… Vamos poner un gritu de guerra: “¡Hai qu’armala!”