Alejandro nació n'Uviéu en 1983 y anguaño sigue morando na capital asturiana. Llicencióse n'Inxeniería Superior Industrial, de lo que trabaya anguaño nuna industria metalúrxico y d'onde vien los sos entamos na lliteratura.
Alejandro afirma qu'al entamar esta carrera de la que se llicenciaría años más tarde, aburríase soberanamente mientres asistía a clase y empezó a escribir nel intre de les hores lectives.
Si a eso-y añedímos que col pasu del tiempu foi curtiéndose con noveles contemporanees que taben nel enclín lliterariu de la dómina danos como resultáu del autor novelísticu del qu'esfrutamos anguaño.
Feito ye conocíu por «La Caricia del Verdugo» una novela de xéneru negru cola que punxo en puxanza la so carrera lliteraria qu'empezó compartiendo relatos con César Strawberry en «Destino zoquete».
Va yá seis años que nos treslladó a esa trama criminal nuna guerra de cárteles de la droga ambientada n'escenariu européu y que, tres dellos años anunciando'l so llanzamientu, el pasáu 6 de Julio sacó al mercáu la so segunda entrega «Si matasen al diablo».
Caltiense na llínea del xéneru de la so primer novela, con tol suspense y l'intensidá qu'ello trai. Por ello, ta denominada como la epopeya más rompedora de los últimos años, onde l'autor espera compensar la llarga espera que los sos siguidores tuvieron que sufrir por ella.
