Alicia Miyares Fernández ye una filósofa y escritora feminista destacada polos sos trabayos sobro igualdá y política, educación y derechos de ciudadanía. Nació nel añu 1963 en Les Arriondes.
Estudió Filosofía y Lletres na Universidá d'Uviéu. Llicencióse en 1986 y doctoróse en 1990 con una tesis sobre La filosofía de Nietzsche, dirixida por Amelia Valcárcel. De 1993 a 1995 foi xefa de gabinete de la Conseyería d'Educación y Cultura del Gobiernu d'Asturies con Amelia Valcarcel al mandu de la conseyería. En 2006 treslladó la so residencia a Madrid ya incorporóse como conseyera técnica a la Unidá d'Igualdá «Muyer y Ciencia» del Ministeriu d'Educación y Ciencia. De 2008 a 2011 foi asesora del gabinete de la vicepresidenta primera del Gobiernu con María Teresa Fernández de la Vega. De 2012 a 2020 foi profesora d'enseñanza secundaria. Dende avientu de 2020 ye profesora na UNED nel Departamentu de Filosofía Moral y Política. Tamién ye integrante del Conseyu Rector del Institutu Asturianu de la Muyer y secretaria de l'Asociación Española de Filosofía María Zambrano.
