La presentadora del magacín cultural Pieces de la nuesa cadena televisiva local nació en Mieres en 1980, a pesar de que lleva viviendo en L'Entrego dende los sos seis años.
Diose a conocer na poesía en 2003 col poemariu “Onde seca l’agua” qu'arrexuntaba los sos entamos como poeta n'asturianu. Al añu siguiente foi galardonada col Premiu Teodoro Cuesta por “La danza de la yedra” pasando a facese conocida como una referente na poesía asturiana. A parte del asturianu, tamién tuvo presencia na lliteratura catalana onde tenía presencia en “Passà el temps desfant la memória”.
Ana quixo dir más allá y sacó a la lluz en 2006 la so primer obra narrativa “Les palabres que te mando” que siguió l'ensayu documental sobre la vida de muyeres asturianes mientres la Guerra Civil, “El País del silenciu”. A lo último, cierra la so colección de narrativa con “La cama”, el que ye ensin dala dulda el llibru más intensu de l'asturiana y que se considera una obra única nel panorama lliterariu asturianu.
Anguaño, apurre semanalmente la so conocencia cultural nel programa, pero tamién dirixe y presenta el programa radiofónicu de “Entrelíneas” dedicáu a la lliteratura. Amás, collabora dacuando n'El Comerciu y Les Noticies.