Ángeles Caso nació en Xixón el 16 de xunetu de 1959. Ye escritora, traductora, periodista y editora. Dende pequeña tuvo claro que quería ser escritora. El so padre tresmitió-y l'amor pola lliteratura, l'arte, la música y la naturaleza.
Trabayó como periodista en distintos medios de comunicación mientres munchos años pero nunca consiguió encaxar por completu nesi oficiu. Dalgunos d'ellos son Televisión Española, Cadena SER, Radio Nacional d'España y dellos periódicos y revistes. Tamién formó parte de diverses instituciones culturales, como la Fundación Príncipe d'Asturies o l'Institutu Feijoo d'Estudios del Sieglu XVIII de la Universidá d'Uviéu.
Dende 1995, empezó a ganase la vida como escritora, pasando por meyores y peores momentos a lo llargo de la so trayectoria. Ye una escritora qu'alterna narrativa con ensayos históricos, nos qu'empresta especial atención a la evolución de la muyer a lo llargo de la hestoria.
Nel añu 1994 consiguió ser finalista del premiu Planeta con «El peso de las sombras". Más tarde, nel 2001 ganó'l premiu Fernando Lara de novela cola so obra "Un largo silencio" y finalmente nel añu 2009 consiguió ganar el premiu Planeta al que fuera nominada años atrás cola so novela "Contra el viento«.
Anguaño ye la emprendedora propietaria de la editorial La Lletra Azul na que trabaya reeditando obres como la de Dolores Mediu,»Nosotros, los Rivero», na que contribúi con un prólogu escritu por ella mesma.
