"En toles ocasiones". Asina reza ún de los versos del famosu himnu asturianu al que, agora, podemos añadi-y "y en tolos llugares". Y ye que resulta que'l clásicu lema de promoción turística "Asturies Paraísu Natural" alcuéntrase estos díes a la vista de tolos habitantes y visitantes de la capital inglesa. Eso sí, cola so versión inglesa: Natural Paradise".

Los taxis londinenses, que son ún de los dellos emblemes de la capital británica, son el soporte sobre los qu'el Gobiernu d'Asturies lleva a cabo estos díes la so promoción como destín turísticu, amosando'l conocíu horru de La Regalina, asitiáu en Cadavéu y que foi nomáu como pueblu exemplar nel añu 2022.