Esta canguesa de nacimientu ye conocida pol papel que desempeña dientro de la lliteratura asturiana. A pesar de que se-y asocia la ocupación d'escritora, tamién ye profesora de Llingua Castellana y Lliteratura, miembru de l'Academia de la Llingüa Asturiana y conseyera de Cultura, Política Llingüística y Turismu del Principáu d'Asturies dende fai casi dos años.
La so andadura entama a los 17 años, cuando decide empezar colos estudios de Filoloxía Hispánica impartíos pola Universidá d'Uviéu, onde entró en contactu con nuevos escritores y empezó a escribir publicaciones en conocíes revistes.
Berta Piñán empezó a facese notar nesti sector al ganar el Premiu de Poesía de l'Academia de la Llingüa Asturiana en 1985, lo que -y dió pie a publicar la so obra «Al abellu les besties», que destaca na so trayectoria poética xuntu con «Vida Privada» tamién galardonada en 1991 col Premio Teodoro Cuesta.
Realizó delles traducciones al asturianu d'obres famoses de John Cristopher y Giussepe Ungaretti y en 2003 publicó un llibru sobre la hestoria del feminismu pa un públicu adolescente, especialmente dedicáu a la so fía adoptiva.
Tal ye la reconocencia que se-y fai que na ceremonia de los Premios Príncipe d'Asturies en 2004 , el daquella príncipe Felipe recitó un versu d'un de los poemes de «Una casa» . Años más tarde, cuntaron cola escritora pa formar parte del xuráu del Premio Príncipe d'Asturies de les Lletres hasta 2011.
Paralelu a la so carrera lliteraria, Berta Piñán ta implicada nel movimientu pola oficialidá de la llingua asturiana, convirtiéndose en 2008 como miembru de númberu de l'Academia de la Llingua Asturiana.
