La vía verde de la Camocha ye l'intentu d'aunir un patrimoniu industrial en cayente col más granible sector terciariu, d'ociu activu. Inaugurada mientres l'añu 1998, cuenta con 6 kilómetros, d'un trazáu mistu pa viandantes y bicicletes, escurriendo dende Roces hasta la esplotación de La Camocha. Utiliza l'abandonada caxa del tren que xunía El Musel con La Camocha, la única esplotación carbonífera del conceyu de Xixón, usando l'antiguu trazáu del ferrocarril, San Martín – Lieres – Xixón, inda nun se terminó.

Llegar a ella ye senciellu, bien pol ferrocarril, autobús municipal o bien dexando'l vehículu nel so empiezu.

Empezamos antes el Pobláu de Santa Bárbara, en Tremañes, llugar onde se caltienen, matizadamente, les viviendes obreres unifamiliares con xardín y güerta, qu'afataron el desenvolvimientu industrial asturianu.

El principiu de la Vía Verde atópase encaxada ente los grandes viaductos de autopiestas y carreteres, so los ochos» de l'autopista Y, la salida de Tremañes y el ríu Pilón. Pasamos énte'l calce del mesmu y los escombros del so pequenu cantil anúnciennos el llugar onde s'allugaba l'antigua fonte de la Mortera onde se topó un ara romana dedicada a Fortuna Balbearis, divinidá protectora de la salú y les agües. Pasamos énte'l polígonu industrial de Fregadures, onde, ensin dulda, el paisaxe atópase más desgradado, somorguiáu nuna redolada industrial.

Tres nós queda Porceyo, de l'antigua rellumanza namá resta la ilesia románica de San Félix, a un llau de la remozada carretera AS-18, y como toles del conceyu, reconstruyida tres la Guerra Civil. Si deseyar, podemos abandonar momentáneamente la Vía Verde y visitala.

A la fin del camín, atoparemos énte la única mina de carbón qu'esiste en tol conceyu, agora yá cerrada la so esplotación y que dio, paradójicamente, amás de riqueza y trabayu, un argumentu pal ociu activu.