El conceyu de Candamu ye una ayalga natural y hestóricu del centru d'Asturies y cercanu a conceyos como Grau. Famosu pola Cueva de La Peña, xoya del arte rupestre paleolíticu, combina paisaxes de praos, montes y aldegues con un marcáu sabor rural. La so capital, Grullos, ye puntu de partida pa rutes que revelen horros centenarios, ilesies romániques y miradores sobre'l valle. Candamu ye tierra de tradición y hospitalidá, onde les fiestes locales y la gastronomía de la güerta conviden a esfrutar ensin prieses. Un requexu perfectu pa conectar cola hestoria y l'aselu asturianu al traviés d'estos trés puntos:
Cueva de La Peña
Conocida dende antiguu polos habitantes de Candamu, el descubrimientu científicu tien llugar en 1914 cuando Eduardo Hernández Pacheco (Catedráticu de Xeoloxía de la Universidá Complutense) identifica la esistencia de pintures y grabaos. Casi simultáneamente, el Conde de La Vega del Seya (importante prehistoriador asturianu) reconoz el cuévanu identificando'l so arte. Tres un intercambiu d'informaciones ente dambos, va ser el primeru d'ellos el que s'encargue de la so investigación y de la publicación del arte en 1919, constituyendo una de les más completes monografíes publicaes sobre l'arte paleolíticu del área cantábrica.
La importancia del so arte foi rápida reconocida y motivó la declaración de Monumentu Nacional en 1942. Acondicionada pa la visita pública y ensin un control efectivu sobre la mesma, el tratu recibíu polos grabaos y les pintures motivó un pergrave deterioru qu'obligó, en 1980, al zarru de la cueva y a la realización d'estudios centraos nel caltenimientu y recuperación medioambiental del cuévanu. Tres más d'una década de reposu y recuperáu'l so equilibriu
IMPRESCINDIBLE FACER RESERVA PREVIA ONLINE: RESERVAR EQUÍ
Xornaes de Recreación Histórica 36-37
Candamu celebra cada setiembre unu de los eventos culturales más singulares d'Asturies, trátase de les Xornaes de Recreación Histórica CANDAMU 36-37 que tienen llugar en Grullos, la capital del conceyu. Dende l'añu 2011, y por iniciativa de l'Asociación Históricu-Cultural Grupu Frente del Nalón, el pueblu recula nel tiempu hasta los convulsos años de la Guerra Civil Española como si d'un auténticu viaxe nuna máquina del tiempu tratárase.
Recreadores históricos que lleguen dende mui diversos puntos de la xeografía española ya inclusive dende l'estranxeru dan vida a los nuesos antepasaos pa esplicanos de forma amena y sobre manera didáctica, pero totalmente rigorosa, un acontecimientu que marcó la Hestoria del sieglu XX.
Nel Muséu Vivu esíbense a manera de “diorames vivientes” distintos aspectos de la vida cotidiana de los combatientes de dambos bandos y de la población civil. Asina podemos conocer como funcionaba un puestu de mandu avanzáu, colos oficiales intercambiando paeceres y dando ordenes a los sos subalternos, mirar a los mecánicos que reparen un vehículu blindáu o una maestra enseñando a lleer a los neños, o conocer un puestu de socorru médicu nel que los facultativos y enfermeros atienden a los mancaos que lleguen del frente, lo cual represéntase con tal rigurosidá que na mayoría de les ocasiones el papel de los médicos ta recreáu por doctores en medicina na vida real.
Festival de la Fresa y Festival de la Castaña
Los valles y vegues de Candamu siempres tuvieron fama pol so escelente productu de la tierra, y l'allegría de la güerta nun ye otra que la inconfundible fresa, conocida y reconocida en toa España. Pero son munchos los productos de la güerta candamina que lleguen a les nueses meses. La fresa ye'l cultivu tradicional del conceyu de Candamu.
Ye un productu mui valoráu, dientro y fuera del conceyu, pol so gran calidá, sabor y arume. Por esti motivu, dende 1978, la localidá de Grullos rinde, nel mes de xunu, un templáu homenaxe a les persones que col so llabor caltienen esti emblemáticu cultivu, por aciu la celebración d'un festival nel que la música tradicional y l'artesanía sirven p'acompañar les meyores amueses d'esti preciáu frutu.
Otru frutu apreciáu ye la castaña qu'igualmente tien el so propiu festival nel pueblu de Aces el cual celébrase en payares con un ampliu programa d'actividaes d'ociu y entretenimientu. Les castañes ásense a la manera tradicional, nun tambor o sobre una plancha de fierro.
