Carreño, tierra de marineros revive’l so pasáu y el so presente en xestos y llugares, en fiestes y celebraciones. Destaca’l festival de la sardina y les tradiciones como la Selmana Santa o nes fiestes del Cristu, una de les devociones con más pelegrinos de toa Asturies. Pero Carreño ye muncho más, ye rural con les sos vistoses y coloristes paneres, les sos torres medievales como la de Priendes, les sos munches sableres y miradores, la so tradición conservera, col Muséu de la Conserva en Candás, onde tamién la vocación artística se vive nel so muséu de pintura marinera al aire llibre y nel Muséu Antón d'escultura.
Monte Areo
El Areo alluga la necrópolis tumular más importante del Norte d'España. Un túmulu ye un monumentu funerariu prehistóricu formáu polo xeneral por un montículu en que'l so interior apaez una cámara onde se deposita'l cadabre. Esta última estructura llámase dolmen y ta formada por bloques de piedra asitiaos verticalmente con otra piedra que sirve de tapa o cobertera. Estos dólmenes de Monte Areo, de fai aprosimao 5.000 años, fueron dende siempres y como yera habitual en toa Asturies, brutalmente saquiaos por pseudoarqueólogos ensin conocencies y munches vegaes siguiendo lleendes sobre ayalgues escondíes del tiempu de los moros.
Torruxón de Priendes
Trátase d'un bastión defensivu del sieglu XIII, de probable orixe romanu, que caltien entá les cuatro parés, cola puerta oxival na fachada Sur. L'aspectu del macizu del conxuntu y el grosor de les sos muries teníen como finalidá aguantar posibles ataques de los temiblesnormandos mientres la Monarquía Asturiana. Asina la puerta ta alzada sobre'l terrén y p'aportar al so interior, yera precisu una escalera de mano. Nes fachaes llateral y trasera, como únicos vanos, los trés aspilleres o boques de tiru dispuestes en distintos altores, pa defendese de los enemigos.
Muséu de la Conserva
Allugada nel antiguu barcal de la Fábrica de Conserves y Sidra Bernardo Alfageme, la Esposición Permanente de la Industria Conservero de Candás recueye, al traviés de pieces orixinales y maquetes, la hestoria de la conserva na villa, rindiendo homenaxe a tolos que participaron nella d'una manera o otra, contestualizada dientro de la industria conservero a nivel internacional. Ellí, podemos atopar 8 zones nes que conocer el pasáu y presente de la conserva en Carreño y nel mundu.