El Valey ye'l centru cultural de Castrillón, un centro modernu y dinámicu nel que tienen cabida tolos públicos y nel que se dan cita una gran bayura d'espresiones artístiques.
El términu Valey foi'l nome que recibió la primer vía de trabayu abierta na mina d'Arnáu en 1833 por Armand Nagel tal y como se reflexa na documentación de la época. Valey ye sinónimu de la palabra francesa "vallée", emplegada pa nomar a la vía inclinada que conecta distintes galeríes.
El Valey ye un centru vanguardista que tien teatru auditoriu con capacidá pa más de 400 persones, sala de xuntes, sala de prensa, sala xuvenil, centru de recursos dixitales, sala polivalente y dos sales d'esposiciones nes que se dan cita los meyores artistes y nel que tamién pudemos ver dacuando presentaciones lliteraries.
Güei Valey ye un referente cultural non namás en Castrillón sinón tamién n'Asturies, con una programación diversa y de calidá na que podemos esfrutar d'obres teatrales de Platea o del circuitu asturianu de teatru, el meyor cine d'autor, esposiciones qu'amesten diferentes espresiones artístiques como Miscelanea, conciertos, presentaciones de llibros... una amplia variedá d'actividaes nes que de xuru vas atopar aquella que más te presta pa venir al Valey y a Castrillón.
Puedes descubrir más d'esti llugar y d'otres ayalgues del conceyu de Castrillón nel nuesu puestu na Feria de Muestres de Xixón.
