Correos promociona Llanes y el Camín del Norte escoyendo una imaxe de la localidá pa ilustrar el so calendariu xacobéu de 2023. Na fotografía, tomada por Baldomero Martínez Morejón, un pelegrín percuerre en bicicleta un tramu de la Ruta al so pasu per Celoriu.


Esta instantánea asturiana va viaxar estos díes a más de 4.000 destino gracies al calendariu que Correos acaba d'unviar a Asociaciones nacionales ya internacionales del Camín de Santiago, a agospiamientos del Camín y a instituciones Xacobees.


Esta imaxe foi una de les escoyíes nel concursu que Correos celebra añalmente cola temática del Camín de Santiago y nel que puede participar cualquier pelegrín o aficionáu a la fotografía. Amás del calendariu, forma parte de la esposición Miraes Pelegrines” una amuesa itinerante que yá percorrió una ventena de ciudaes españoles, ente elles Avilés.