N'Asturies, la bébora icónica ye la sidra natural. Una afirmación que nun xenera alderique dalgún. Sicasí, anque seya la bébora más icónica, ¿bébese tanto como paez? De siguío cuntamoste cuanta se bebe n'Asturies a lo llargo del añu.
Pa empezar, vamos dicite qu'Asturies ye la zona más consumidora de sidra del mundu. Cada añu, les empreses que s'integren nesti sector facturen en total más de 50 millones d'euros, col que producen alredor de 45 millones de llitros añales. Anguaño prodúcense trés tipos de Sidra d’Asturies D.O.P: La Natural Tradicional, la Natural Nueva espresión (filtrada y estabilizada) y la Natural Esplumosa (con ácidu carbónico endóxenu).
De media, bébense unos 65 llitros per persona al añu, lo que supon unes… ¡85 botelles! ¿Paezte muncho? Pos supondría beber una botella cada 4 o 5 díes.
¿Y cuántes mazanes s'usen al añu pa facer sidra?
Na actualidá hai 48 hectárees de pumaraes plantaes, nes que se collechen cada añu cerca de 45000 tonelaes de más de 2000 variedaes de mazanes pa sidra n'Asturies. Tradicionalmente usáronse 22 variedaes pa la producción de Sidra d’Asturies D.O.P, a les qu'en 2017 amestáronse otros cincuenta y cuatro. Anguaño 76 variedaes son reconocíes pa la ellaboración de Sidra D.O.P.
Y ye una bébora feminizada?
Podría dicise que n'Asturies esta bébora ye cosa de muyeres, yá qu'amuesen un porcentaxe de consumu per enriba del de los homes. Ello ye que ye la única bébora alcohólico n'Asturies na qu'hai más bebedores muyeres que bebedores homes. Un 37% d'asturianes declara bebela frente a un 30% de varones. Ente les muyeres, la primer bébora ye'l vinu y la segunda, la sidra. Los homes decántense más pola cerveza.
