La mariña asturiana, famosa polos sos cantiles y paisaxes verdes, escuende dalgunes de les sableres más impresionantes d'España. Nesti artículu, esploramos cuatro sableres asturianes que destaquen pola so guapura y singularidá. Caúna ufierta una esperiencia única, reflexu de la diversidá natural d'Asturies.
Playa de Cue (Llanes)
La sablera de Cue, tamién conocida como Sablera d'Antilles, ta asitiada a namás trés quilómetros de Llanes, cerca del chocante pueblu de Cue. National Geographic seleccionóla como una de les sableres más guapes del mundu, y nun ye difícil ver por qué. Con una estensión de 380 metros, esta sablera d'arena blanco y fino contrasta de manera ablucante cola contorna rocosa y los islotes que l'arrodien.
La sablera de Cue ufierta un paisaxe cambiante dependiendo de la marea. Con marea alta, conviértese nuna piscina natural protexida, ideal pal bucéu, kayak y paddle surf. Con marea baxa, l'arena queda espuesta, permitiendo paseos hasta los islotes y la esploración de les cueves nos sos cantiles. La so guapura natural y versatilidá conviértenla nun destín imperdible.
Sablera d’El Gavieiru (Cuideiru)
La sablera d'El Gavieiru, ubicada nel conceyu de Cuideiru, ye un requexu de calma y guapura puro. L'accesu a la sablera ye al traviés d'un senderu d'escaleres que baxen pelos sos cantiles. Esta sablera ye un refuxu pal que busque la tranquilidá d'esti sitiu casi vixe de la mariña.
Los sos cantiles protéxenla del folaxe y faen que les sos agües tean en calma. Ye ideal pal snorkel y la fotografía, anque les sos agües fríes y el so accesu daqué abegosu faenla menos concurrida, calteniendo asina la so atmósfera de calma.
Playa de Cadavéu (Váldes)
La Sablera de Cadavéu, tamién conocida como La Ribeirona, atópase nel conceyu de Valdés. Esta sablera combina'l so estensu arenal colos cantiles de la mariña arrodiada de les praderíes verdes. Ye un llugar perfectu pa families por cuenta de les sos agües xeneralmente seles y el so fácil accesu. Esta sablera asturiana yera l'antiguu centru balleneru de la dómina medieval.
El fácil accesu a la sablera fai, xunto col so encantu fai que seya una de les sableres asturianes que mas visites recibe. Amás de los sos atractivos naturales, Cadavéu tien un encantu cultural. Cerca de la sablera ta la ermita de La Regalina, dende onde se llogren vistes espectaculares de la mariña.
Playa de Rodiles (Villaviciosa)
La Sablera de Rodiles, asitiada nel conceyu de Villaviciosa, ye una de les más grandes y populares d'Asturies. Con más d'un quilómetru de sable, ye perfecta pa los amantes del surf gracies a les sos foles, sobre manera a la so famosa fola izquierda y la so orientación escontra'l mar abiertu.
La sablera atópase arrodiada d'un monte d'ocalitos y pinos que cunta con meses y bancos onde poder esfrutar d'una xinta a la solombra. Rodiles ye conocida poles sos instalaciones completes, incluyendo duches, restoranes y un ampliu aparcamientu, lo que la convierte nuna opción cómoda pa un día de sablera.
