Güei en verAsturies traémosvos una ruta pol conceyu con menos población d'Asturies, Yernes y Tameza. Esti percorríu arranca en Yernes y va llegar hasta Cuallagar, siendo una ruta llinial.
Nos primeros 250 metros de la ruta, cerca de les últimes cases del pueblu, atopamos una pista que va pa la la izquierda y que vamos tomar ensin esvianos hasta algamar el kilómetru 2,5, aprosimao, onde'l camín xúntase con otru nuna pista de mayor tamañu, que vamos siguir hasta llegar a Cuallagar, gran cuévanu asitiáu nel monumentu de los puertos de Marabio y que ye abellugu de fauna selvaxe y doméstica.
Una vegada que visites y esfrutes de la redolada de Cuallagar, damos la vuelta pel mesmu camín hasta aportar de nuevu al puntu d'entamu, el pueblu de Yernes, onde remata la nuesa ruta. Esto ye, faemos la ruta de nuevu, pero en sentíu contrariu, siguiendo los pasos anteriores.