El Muséu Etnográficu de Grandas de Salime “Pepe el Ferreiro” abrió al públicu esti pasáu martes 7 de febreru l'amuesa fotográfica Nía. Nosoutras ideamos arte. Esta esposición ye un percorríu polos saberes, xeres y conocencies de les muyeres del mundu rural. Too ello al traviés de testimonios gráficos apurríos poles sos protagonistes. Forma parte del proyectu del mesmu nome que pretende poner en valor el gallego-asturianu como llingua materna a reivindicar y promocionar xuntu col restu de tradiciones y saberes populares.
La exposición de Grandas de Salime se acompaña de un audio d’Amelia López. Ella es una vecina de Serandinas en el concejo de Boal, va relatando cómo era la vida cuando era joven y cómo ve la actualidad. Nía. Nosoutras ideamos arte va permanecer abierta hasta'l 14 d'abril nel horariu d'apertura del Muséu y puede visitase ensin costu adicional cola entrada al centru museísticu. Ensin dulda, ye una oportunidá estupenda pa conocer el mundu de la muyer rural na actualidá y nel sieglu pasáu.
Xornada temática dedicada a la matanza na casa rural
Cola collaboración de l'Asociación d'Amigos del Muséu, el sábadu 11 de febreru va haber una xornada temática sobre la matanza del gochu. Esta desenvolveráse nel equipamientu de 11:00 a 18:30 hores de forma ininterrumpida.
La matanza del gochu, productu básicu pal caltenimientu de les families llabradores, yera una cita de referencia al rodiu de la que s'axuntaben familiares y vecinos, que collaboraben nel procesu. Cola Asociación d'Amigos del Muséu reproducirán los procesos tradicionales d'ellaboración de los productos de la matanza conociendo los sos pormenores, los llabores acomuñaos, quien les realizaba, les particularidaes de cada casa y les formes de sanamientu y consumu. Al rematar el día, los productos ellaboraos van colgase en “a lareira” del Muséu pal so sanamientu.