Avilés prepárase pa celebrar la Selmana Santa un añu más. Del 13 al 20 d'abril podrán vivise na ciudá les distintes procesiones y actividaes entamaes poles confreríes y hermandaes. Ye una festividá declarada d'Interés Turísticu Rexonal.
Les grandes procesiones van empezar el Domingu de Ramos, 13 d'abril. La Confrería d'El nuesu Padre Xesús de la Esperanza va salir a les 11:45 dende la Ilesia de San Antonio de Padua. Al otru día, Llunes Santu, la mesma confrería sal a les cais a les 20:30, de nuevu dende la ilesia de San Antonio de Padua.
el 15 d'abril, Martes Santu, la Confrería del Stmu. Cristu de Rivero y San Pedro Apóstol va procesionar a les 20:30 dende la capiella de Rivero. El Miércoles Santu siguirá-y cola salida en procesión de la Confrería El nuesu Padre Jesús de Galiana, a les 20:30 dende la Capiya de Galiana. A la mesma hora tamién va salir la Confrería de La nuesa Señora de los Dolores dende la Parroquia de San Nicolás, y la Confrería San Xuan Evanxelista tamién dende la Parroquia.
El Xueves Santu va empecipiar a les 12:30 cola salida de la Hermandá El Besu de Xudas dende la Parroquia de San Nicolás. A la tarde siguirálu la Cofradía San Juan Evanxelista, que va salir a les 20:30 tamién de la Parroquia.
La fin de selmana empieza col Vienres Santu, 17 d'abril, cola procesión de la Hermandá del Santu Entierru y La nuesa Señora del Gran Dolor a les 17:30 dende la Parroquia de San Nicolás. A la nueche, dende les 21:30, va ser la Real Confrería de La nuesa Señora de la Soledá y la Santa Vera Cruz la que va salir a en procesión. Va facese dende la Ilesia Santu Tomás de Canterbury.
Pa rematar, el Sábadu Santu va haber trés procesiones a les 22:30. Una va ser per parte de la Confrería d'El nuesu Padre Jesús de la Esperanza dende la Ilesia San Antonio de Padua. La Real Confrería de La nuesa Señora de la Soledá y la Santa Vera Cruz tamién va salir esa nueche dende la Ilesia de Santu Tomás de Canterbury. Finalmente, la Confrería del Stmo. Cristu de Rivero y San Pedro Apóstol va salir dende la Parroquia de San Nicolás.
El Domingu de Pascua va celebrase la Misa del Bollu na Parroquia de San Nicolás de Bari. Con esti día pondrá zarru a la Selmana Santa d'Avilés.