¿Quies descubrir una de les especies úniques y emblemátiques de la Península Ibérica? L'avistamientu directu d'Osu Pardu Cantábricu en total llibertá, ensin dulda, ye unu de los mayores espectáculos que puede ufiertanos la naturaleza nel norte de la Península Ibérica y esto, ufiértenlo los guíes de monte de Jarascada, con formación específica nesta cuestión, yá que en cada salida vas dir acompañáu d'un biólogu y un espertu n'osu pardu, con más de 15 años d'esperiencia.
Cada actividá d'avistamientos d'osos ye única, yá que tou va depender de la fecha del añu o la mesma actividá de los animales pol territoriu mientres los díes previos a los avistamientos. Pa reparalos cola mayor precisión posible, los guíes de Jarascada van apurrite'l material necesario, esto ye, telescopios y prismáticos de primer calidá, amás de comentar anécdotes, intereses y esperiencies col osu pardu, coles mires de que los participantes na actividá puedan conocer de la manera más completa posible cómo ye la vida de los osos selvaxes d'Asturies.
Los puntos dende los que se realicen los avistamientos son escoyíos concienciudamente coles mires de caltener la total seguridá de los participantes, lo mesmo que de nun atayar la rutina natural de la fauna y flora del llugar, amás de caltener el mediu ambiente. Sicasí, magar toles garantíes, l'avistamientu d'osos pardos nun ta asegurada, yá que son animales bien activos y huidizos y non siempres ye posible reparalos, too ello xuníu a otros factores, como pue ser la climatoloxía. Entá asina, el porcentaxe de d'ésitu d'avistamientu de la temporada pasada foi de casi un 90%.
En Jarascada ufiértente un horariu de fin de selmana con dos veces: unu a l'amanecida y otru al atapecer, pero si prefieres realizar l'actividá per selmana, nun t'esmolezas, solo tienes que consultalo con ellos. Amás, son dos les temporaes onde pueden columbrase a esta especie tan singular: una temporada en primavera, que va dende marzu a xunu y una temporada pel branu, que va d'agostu a setiembre. Les actividaes, xeneralmente van tener como puntu de salida Proaza, Somiedu y Cangas.
L'actividá inclúi, amás de la inolvidable esperiencia, un video-reportaxe de l'actividá y los precios varien segun la edá o l'asistencia en grupos. De xacíu, ye necesariu allegar con un forno acorde cola actividá. ¡Nun lo duldar y aprovechái una oportunidá inolvidable de conocer la vida de los osos n'Asturies!
