Hotel Palacio de la Magdalena

EL XUEVES 16 DE FEBRERU, y pa celebrar nuesa merecida fiesta de «COMADRES», esperámosvos nel HOTEL PALACIU DE LA MAGDALENA, asitiáu nel guapu pueblu de Sotu’l Barcu. La nueche d'esi xueves vamos ufiertar un menú especial, nel que vas poder tastiar dalgunos de los sos meyores platos. La nueche va abrir con un aperitivu en mesa, pastel de tiñosu, cucharina d'ensalada rusa y croquetes de quesu “La Peral” con compota de mazana. Viendo esti empiezu, los demás platos van dexate impresionada. De primer platu va haber Lasaña de frutos del mar, de segundu platu, cabritín guisáu a l'antigua y de postre… lo más típico de Asturies nestes feches: frixuelos, casadielles y picatostes. Y pa que dempués puedas esfrutar d'esta nueche tan especial pa les muyeres, un dj amenizará la fiesta hasta los trés de la mañana. Y por si fuera poco… ¡tamién va haber sorteos! L'Hotel Palaciu de la Madalena espérate. ¡Ven con nós a esfrutar!
Dirección: Finca La Magdalena, s/n, Sotu’l Barcu
Teléfonu: 985 58 88 99
Horariu: Llunes a vienres de 9:30 a 14:00 y de 15:00 a 19:00. Sábados de 10:00 a 13:00 y de 16:00 a 19:00. Domingos de 11:00 a 13:00
Páxina web: hotelpalaciodelamagdalena.com

Marieva Palace
La nueche de COMADRES ta a puntu de llegar a MARIEVA PALACE y anguaño prepararon con gran ciñu y precuru pa celebrar esta icónica fiesta qu'abre l'Antroxu. Nesti casu, en Marieva Palace ufiértente una cena con baille que se va allargar hasta les 2:30 de la mañana y qu'inclúi dellos sorteos. El menú que prepararon pa esta fecha consiste nun cóctel con aperitivos, concha pelegrina rellena de frutos del mar gratinada, crema de cigalines y bombón de merluza a la sidra con muñuelu crujiente de mazana. Y como nun pue ser d'otra manera, lo típicu del antroxu pal postre: frixuelos y casadielles. Pa dempués, el baille amenizáu por DJ Eventos Premium va cuntar con barra llibre y carrín de chuches. ¿Vas perdelo?
Dirección: Carretera, AS-II, 3315, Xixón
Teléfonu: 985 16 80 14
Horariu: Llunes a xueves de 11:00 a 19:00. Vienres a domingu de 11:00 a 23:30.
Páxina web: marieva-palace.com