La 67 edición de la FIDMA llegó al so fin y, con ella, lleguen unos datos bien positivos pa los conceyos representaos nel stand Conceyos con Encantu que coordina la plataforma VerAsturies. Mientres esta edición de la Feria de Muestres d'Asturies, pasaron pel recintu ferial 744.332 visitantes, un nuevu récord de visites, y que resalta'l bon datu d'estimación del pabellón 3-4, con 120.000 visitantes, onde s'atopaba'l mentáu stand.
No que cinca al stand Conceyos con encantu, los responsables repartieron más de 60.000 folletos de los distintos conceyos asturianos ellí representaos. Anguaño foi la vez de los Valles del Osu (Proaza, Teberga, Santu Adrianu y Quirós), Carreño, Taramundi, Ponga, Grau, Noreña, Villayón y Les Regueres. Los folletos, bien curiaos, informaben a los interesaos de toles posibilidaes qu'ufierta caún d'estos conceyos pa visitalos, pero tamién pa vivir ellí.
Nel espaciu hubo a lo llargo de tola celebración ferial una serie d'actividaes qu'animaron l'espaciu, como degustaciones de productos locales, charres, amueses de la cultura local y hasta música. Amás, el stand apaeció nos principales periódicos asturianos, según na RTPA (Radio Televisión del Principáu d'Asturies), xenerando d'esta manera un mayor algame y repercusión.