El Muséu Etnográficu del Oriente d'Asturies xunto cola Casa de Cultura de Llanes presenta otra vuelta la esposición RCTA Reinterpretación de la Cultural Tradicional Asturiana del artista Ricardo Villoria. Dáu el gran ésitu d'acoyida na so primer amuesa l'añu pasáu y por repitida demanda del públicu, quixeron acoyer nuevamente esta esposición pa dar la oportunidá al visitante de esta dómina del añu, y a quien nun se pudieron averar nel so día, de conocer la obra de Ricardo Villoria.
Inaugúrase'l Vienres 3 de xunu, a les 17:00h., l'actu va consistir nuna visita empuesta del autor a la so obra, integrada en las salas expositivas del museo, explicando el desarrollo y resultado de la misma.
Esta esposición ta entamada en collaboración cola Casa de Cultural de Llanes y forma parte del programa Cultura en Rede de la Conseyería de Cultura, Política Llinguística y Turismu.
La esposición ta estremada en trés partes: fotografía, vídeu ya indumentaria que dialoga cola obra permanente del muséu.
L'amuesa arrinca con una serie de semeyes en pequeñu y gran formatu qu'analicen la indumentaria tradicional asturiana, tresformando estilismos, interviniendo pieces y creando nuevos diseños a partir de patrones tradicionales. Ricardo Villoria analiza, crea y fotografía distintes pieces de vestimienta tradicional asturiana creando excéntricos maridaxes con látex, terciopelu, pañu y pedrería. La resultancia remata nun corset de terciopelu negru diseñáu pol artista en collaboración cola artesana llanisca Josefina Fernández que puede vese na esposición.
Na parte audiovisual atopamos dos pieces. Na primera podemos ver a 5 cantantes de tonada asturiana (Mari Lluz Cristobal, Celestino Raspiada, Adelita Fernández, Juan Carbayeda y Lorena Corripio) nun formatu primer planu que descontextualiza la forma clásica de representación d'esti xéneru. Una segunda obra audiovisual amuésanos la matanza del gochu, onde l'artista asitia la cámara nun planu cenital, dexando desenvolvese l'acción para amosar el valor del trabayu tradicional y el trabayu en comunidá del mundu rural.
Esta última pieza enllaza col anterior trabayu de Villoria, “Llabor”, del que tamién podemos ver una serie de fotografíes qu'averen Les Cuenques Mineres d'Asturies al Oriente y que remata con una serie pieces mas plástiques como los sepa nos” o'l “gomín”, esa Asturies “antetior”, esencial y perpetua; el trabayu manual na zona rural como paradigma al que regrasar tres el colapsu postindustrial.