Alberto Alonso Blanco, más conocíu como “Rambal”, foi un xixonés nacíu en 1928 en Cimavilla que morrió asesináu nos años 70 por faer gala de la so llibertá sexual.
Pronto “Rambal” convirtiose n'una persona destacada en Cimavilla, recibiendo'l ciñu de los vecinos del barriu. Alberto Alonso yera conocíu por ayudar a les muyeres cola tendalada, amenizando les sos xornaes nel llavaderu, con propines...
El xixonés nunca escondió la so homosexualidá, a pesar de que-y tocó vivir la dómina franquista, onde s'escorrió fuertemente la disidencia sexual. “Rambal” convirtióse asina nun abanderáu de los derechos de los homosexuales. Peles nueches “Rambal” se travestía para cantar coples por Marifé de Triana nos locales de Cimavilla.
A “Rambal” se -y considerá un referente del mundu LGTBI, una figura qu'en Xixón sirvió para crear conciencia colectiva y abrir el camín a les siguientes xeneraciones.
El so nomatu, “Rambal”, recíbelo en referencia al actor Enrique Rambal, protagonista na película “El mártir del calvario”.
Una nueche d'abril de 1976, nel barriu de Cimavilla, “Rambal” foi asesináu. El so crime conmocionó a la ciudá, causando un gran impactu, sobretou nel so barriu natal, Cimavilla.
El cadabre de “Rambal” apaeció apuñaláu y semidesnudu, al escenariu del crime, la so casa, pegaron-y fueu, col oxetivu de borrar les buelgues. Anguaño l'asesinatu d'Alberto Alonso “Rambal” sigue ensin resolvese…
La figura de “Rambal” caltiense viva col pasu de los años, siendo una figura que trescendió a la lliteratura, en llibros como L’aire de les castañes de Vicente García Oliva, Gijón. Crónica negra de Pachi Poncela o El raro crimen de Rambal de Diego Medrano, ente otros…
Tamién al mundu audiovisual con A simple vista, un filme de Eva Lesmes, o Si yo hablaraun curtiumetraxe de José Fernández Riveiro, tamién a la música, onde destaca'l cantar “Rambalín”, de Rodrigo Cuevas…
