L'orixe de la escritura siempres atraxo a miles d'investigadores. Sicasí, nengunu d'ellos diera con una conclusión que pudiera considerase válida… Hasta agora. Y curiosamente, la conclusión sobre esi orixe de la escritura podría tar más pronto de lo que pensamos: na cueva del Pindal, asitiada en Ribadeva, esto ye, na parte más oriental del nuesu territoriu.
La páxina de noticies Xataka fíxose ecu d'esta hipótesis qu'unos investigadores británicos de la Universidá de Durham realicen a partir d'un estudiu nel que s'atopa la mentada cueva y la de Altamira, en Cantabria, xuntu con un total de 400 xacimientos arqueolóxicos. La hipótesis señala que les pintures rupestres que tán siendo analizaes podríen ser los primeros nicios de «protoescritura», fai unos 20.000 años. Sicasí, esti afayu ta siendo bien revesosu y les pruebes que sostienen la hipótesis del equipu británicu son llimitaes, ya insuficientes pa dellos investigadores.
Magar esti discutiniu y a la realidá, qu'en concencia aínda desconocemos, Asturies vuelve ser noticia, esta vegada con una investigación que, de ser cierta, marcaría un antes y un dempués nel estudiu de la escritura.
