Cada selmana vas poder atopar en VerAsturies.com les recetes llambiones de la escritora Beatriz Rato.
Ingredientes:
Dos huevos, dos taces de nates o 180 gramos de mantega, farina (lo que lleve), formientu, 3 o 4 cuyaraes soperes d’azucre, 3 manzanes de García Sol, reineta roxa o similar, 1 ó 2 peres, una copina poco enllena de vino dulce.
Procedimientu:
Bater los huevos y reservar un poco; añidir l’azucre, les nates o la mantega y formar una crema. De siguió, añidir la farina y el formientu con curiáu hasta que la masa nun se pegue (nun hay que trabayala mundo).
Dividir en dos partes desiguales la masa. Coyer la mayor y estendela nun molde enfarinau, curiando que la masa supere el borde del molde.
Pelar les manzanes y les peres, cortales en llámines fines y colocales porriba la masa. Espolvoriar con azucre sobre la fruta y regar col vino dulce. Estender la otra parte de la masa porriba tapando les llámines de manzana y pera, doblar los bordes de la masa y sellalos con un pocoñín d’agua. Barnizar la superficie col güevu batíu apartáu.
Meter nel fornu, calentáu previamente, a 200 graos hasta que turrie. Esmoldiar en frío.
