La Feria de l'Ascensión ye una fiesta de calter rural, que se celebra en primavera n'Uviéu, concretamente dempués del día de l'Ascensión (18 de mayu) y la so duración ye de dellos díes. Remontándose'l so orixe al sieglu XVI, empezó siendo una feria ganadera y caballar qu'a día de güei considérase unu de los certames más importantes d'Asturies. Anguaño festéxase como homenaxe al campu y a la so xente y foi declarada fiesta d'Interés Turísticu Rexonal.
Na feria vamos atopar certames y esposiciones de ganáu, amás d'otres actividaes rellacionaes col mundu de la agroganadería y la redolada rural. Per otru llau vamos poder atopar mercaos artesanales na plaza de la catedral, amás de múltiples esposiciones, actos folclóricos al son de gaita y tambor y demás actividaes.
La fiesta tamién destaca pol so propiu menú gastronómicu compuestu por un primer platu de menestra del tiempu, segundu platu de carne gobernada y un postre de tarta de quesu con cereces. Esti menú fai referencia al tradicional refrán «Pola Ascensión, cereces n'Uviéu y trigu en Llión».
Nesta festividá tamién se lleva a cabu la elección del paisanu y paisana del añu, onde se-y otorga una condecoración a los uvieínos más trabayadores.
Afaya otres fiestes asturianes como La Jira del Embalse de Tresona, equí en VerAsturies.