Tres el parón pol COVID l'añu pasáu, la fiesta pola oficialidá torna esti 2022 con más puxu añadiendo, amás del día grande nel que van celabrase 25 años d'oficialidá en Bimenes, una selmana cultural pola oficialidá qu'ocupará les feches ente'l 27 de xunu y 2 de xunetu.
Esta selmana tará enllena de charres, alcuentros y talleres culturales con delles personalidaes importantes de la cultura asturiana na Casa Conceyu de Bimenes (escepto'l taller d'iniciación a la cuatriada que va ser na bolera municipal en Rozaes y el de baille con Monste Rico na Plaza’l Polideportivu Melanio Asensio). Una semana que cerrará, antes del “día grande” con las actuaciones musicales de Los Yerbatos, Cantaruxare ya Panderetes de Fitoria na Plaza’l Polideportivu “Melanio Asensio” en Santuyano nuna folixa con carpa y chigre.
El día grande ta previsto la inauguración del mesmu na Plaza de Miranda de l Douro en Martimporra coles intervenciones institucionales de Aitor García, alcalde de Bimenes, y Helena Abril, alcaldesa de Miranda del Douro (pueblu hermanáu con Bimenes), xunto cola pregonera d'esti añu que sedrá Berta Piñán. Tres esto, va inciase la clásica danza pola oficialidá y pasacais hasta Santuyano. En casu de lluvia, estos actos van treslladase a la Plaza’l Polideportivu “Melanio Asensio” en Santuyano.
Magar d'equí, tolos actos van tener llugar en Santuyano, destacando el clásicu concursu d'escanciadores na so VII edición, animación a cargo de Los Gascones y el gran final con conciertos de Figos de Tuna ya Dixebra.
Pues consultar el programa completu faciendo click nesti enllaz.