Manuel Gil Parrondo y Rico-Villademoros, más conocíu como Gil Parrondo, foi un director artísticu ñacíu nel añu 1921 na villa blanca, en L.luarca, y que llogró dellos premios perimportantes nel mundu cinematográficu, como vamos ver darréu.
Dempués d’estudiar pintura y arquitectura na Escuela de Bellas Artes de San Fernando, entamó nel añu 1939 como ayudante de decoración en películes dirixíes por Eduardo García Maroto y Florián Rey, pero nun va ser hasta 1951 cuando dirixa la so primer producción artística na película d’Antonio del Amo, Día tras día.
Tres d’esta dirección, la so carrera principia a medrar y consigue dellos trabayos coles producciones americanes feches n’España, como El Cid, Rey de Reyes o Alejandro Magnoente otres. A esto hai que sumar les producciones esitoses nas que collabora, como Espartaco, Lawrence de Arabia o Doctor Zhivago, ente 1970 y 1971.
Dende 1982, el director español José Luis Garci va encarga-y cuasi toles producciones de les sos películes, amás de participar en obres como Las bicicletas no son para el verano de Jaime Chavarri, ente otres delles más.
Na so trayectoria algamó dellos premios importantes, ente los que podemos contar dos Premios Oscar poles películes Patton y y Nicolás y Alejandranos años 1970 y 1971 respectivamente y nomináu nel 1972 por Viajes con mi tía. Nos Premios Goya, algamó cuatro premios, con Canción de cuna nel 1994, You’re the one (una historia de entonces) nel añu 2000 Tiovio c. 1950 nel añu 2004 Ninette nel 2005, amás d'otres cuatro nominaciones.
La so vida ponía fin nel añu 2016, pero curiosamente los sos restos tán nun llugar de película, nel cementeriu de L.luarca, a la vera de la mar.
