Cada 31 d'ochobre celébrase Halloween, una festividá que tien los sos raigaños na fiesta celta del Samaín y que se celebra en llugares como Asturies, Galicia o Llión. En gaélicu, Samhain significa «fin del branu», yá que los antiguos celtes celebraben nesi momentu de transición del branu al iviernu. Esta celebración milenaria tien llugar cada añu, mientres la nueche que va del 31 d'ochobre al 1 de payares, nuna d'eses feches nes que se cunta que ye más fácil transitar ente dos mundos: el de los vivos y el de los muertos.
Los druíes yeren los encargaos de celebrar la fiesta celta pa honrar a los ancestros, al traviés de numberosos ritos. Cunten les lleendes que recoyíen nos montes más estremaos bagues d'arfueyu mientres esa nueche, pa lo qu'utilizaben un focín sagráu forxáu n'oru. Con elles, preparaben pócimes y untaces, y agoraben sobre'l futuru de les colleches y de l'aldega.
Anguaño, esta fiesta sigue celebrándose, pero de manera distinta. Música, talleres, animación infantil o'l desfile de la Güestia son dalgunes de les munches propuestes que colectivos, asociaciones o conceyos llancen al públicu para festexar una celebración que, anque paeza americana… ¡ye nuesa!
