Higiénico Papel resultó ganadora de la cuarta edición del premiu Nel Amaro de Teatru Profesional en llingua asturiana y gallego-asturianu, que concede la Conseyería de Cultura, Política Llingüística y Turismu. La compañía asturiana foi galardonada pola obra "El viaxe de Covaletti". El Nel Amaro ta dotáu con 6.000 euros..
El xuráu encargáu de valorar les obres finalistes, que s'axuntó ayeri baxo la presidencia d'Irene Arce, xefa de serviciu de la Dirección Xeneral de Política Llingüística, tuvo integráu por María Cotiello, actriz y filóloga, Pilar Fernández, escritora y filóloga, Mar Friera, filóloga y profesora, Chechu García, escritor y profesor, y Eva Vallines, actriz y crítica teatral. Actuó como secretaria Juncal García Velasco, tamién xefa de serviciu de la Dirección Xeneral de Política Llingüística.
El xuráu decidió conceder el premiu a "El viaxe de Covaletti". El Nel Amaro ta dotáu con 6.000 euros. por “la capacidá actoral qu'amuesa pa crear mundos ficcionales a los que tresporta al espectador, con una caracterización mínima”. Nel acta del galardón, los miembros del xuráu destaquen tamién que la obra pon en valor “la humanización de la llectura lliteraria entendida como'l soporte que asiste a les persones en tiempos de soledá, lo mesmo qu'asocede nestos tiempos de pandemia”.
"El viaxe de Covaletti". El Nel Amaro ta dotáu con 6.000 euros., del que ye autora Laura Iglesia, impúnxose a los otros trés espectáculos escoyíos pa ser finalistes del IV Festival Nel Amaro y que fueron representaes a lo llargo d'esti mes d'ochobre nel Teatru Filármica d'Uviéu: El pelegrín valiente, de Inmaculada Rodríguez García, El viaxe de Dorothy, de Irene Santos Noval, y La neña de les trences al revés, de El callejón del gato.
Higiénico Papel, fundada en 1996, ye una referencia nel mundu del teatru rexonal y nacional. La compañía estrenó decenes d'obres y llogró con numberosos premios la reconocencia del públicu y del sector cultural asturianu.
