Inaciu Iglesias va ufrir esti vienres, 28 d'ochobre, una charra-alderique nel Salón d'Actos del Atenéu Obreru de Villaviciosa. Trátase d'una actividá enmarcada nos actos del I Centenariu del Edificiu Atenéu.

Escritor y empresariu polifacéticu (Uviéu 1966), Inaciu Iglesias tien como referente de los sos camientos el futuru d’Asturies dende la perspeutiva nacionaliega. Na encruciyada de cambios fondos onde mos atopamos anguaño esa visón tresversal, nin d’izquierdes nin de dereches, nin aldeana nin metropolitana puede ayudamos a meyorar la nuesa sociedá. D’ello y de la so enfoque pragmáticu va falar na so conferencia titulada como un de los sos llibros: ‘El país que queremos’. Una ocasión p’aldericar ente toos la cadarma d’una Asturies que lidere la España d’esti sieglu, como ya lo ficiere n’otres dómines.