El presentador de Telecinco despidióse de la comunidá con una semeya nel Eloxu del Horizonte de Xixón
Jesús Vázquez ta namoráu d'Asturies. El gallegu acaba de tornar a Madrid dempués d'unos díes de descansu pela nuesa tierra. El presentador pasó dellos díes na comunidá y percorrió distintos rincones de la nuesa xeografía. Vázquez quixo compartir la so escapada colos sos siguidores nes redes sociales, con quien compartió delles semeyes. El presentador dexóse ver posando na sablera, tomando'l "sol del norte" nun pedreru y al pie d'un horru.
El presentador peslló la so escapada con una visita a Xixón. «Por estos díes maraviyosos d'amigos, rutes espectaculares, sableres solitaries y papame de la hestoria de Roberto que ta tan xunida a ta maraviyosa tierra. ¡Amenacio con volver bien llueu!», escribió na so cuenta de Instagram Jesús Vázquez, que despidió les sos vacaciones n'Asturies con una semeya xunto al Eloxu del Horizonte.
El presentador gallegu, venceyáu a Mediaset, prepárase pa entamar una nueva etapa llaboral. Y ye qu'a partir de setiembre va ponese al mandu de les nueves entregues de Mujeres y hombres y viceversa en Cuatro tres la salida del espaciu de Toñi Moreno.
