Xosé Caveda y Nava foi un escritor, historiador y políticu que nació a finales del sieglu XVIII en Villaviciosa, onde tovia se caltien la so casa natal.
El so pa, tamién escritor, foi una gran influencia pa él. Foi precisamente un bon amigu del so pa, Xovellanos, quien fundó l'institutu nel qu'él se formaría, destacando sobretou en xeografía y hestoria, a la que-y dedicaría gran parte de la so vida.
Mientres el trieniu lliberal, Caveda y Nava foi milicianu y nomáu miembru de la real academia de la hestoria, con apenes ventidós años.
La so actividá incansable llevó-y a la política, siendo parte como vocal de la Xunta Xeneral d’Asturies en 1834 y miembru de la corporación municipal de Villaviciosa. Ye mientres esta etapa qu'empieza a arrexuntar escritos hestóricos interesantes, como una memoria sobre la hestoria d'Asturies y una descripción histórica co-topográfica y mapes y planos del conceyu de Villaviciosa.
Ensin dulda, la so aportación a la lliteratura n'asturianu foi fundamental pa la so conservación, destacando Discursu sobre'l dialectu asturianu con noticia de dalgunos poetes asturianos ya Colección de poesíes en dialectu asturianu, obres fundamentales nel estudiu de la lliteratura asturiana.
Dempués de xubilase, siguió escribiendo dellos artículos pa El Comercio, Revista de Asturias y La Voz de Asturias, hasta morrer en Xixón nel añu 1882.