L’Asociación Cultural Llacín y la Fundación Muséu Etnográficu del Oriente d’Asturies, convoquen la novena edición del Mercadillu Solidariu, que va celebrase los díes 6 y 7 d’avientu nel edificiu polivalente de l’Asociación en Porrúa. Mesmo, hasta’l 5 d’avientu, inclusive, van poder averase a entregar too aquello que tea en bones condiciones y que se quiera donar pa ponese a la venta nel mercadillu.
Con esta acción, l’Asociación y el Muséu tienen un doble oxetivu: por una parte dar salida y poner en circulación esos oxetos que tán nos desvanes, garaxes y estanteríes, que consideramos inservibles pero que pueden ser aprovechaes por otres persones que los merquen a un preciu simbólicu. Esti tipu de mercadillos suponen un puntu d’alcuentru ente quienes busquen desfacese de trastos que ya nun usen, y los que busquen llibros, muebles o ropa a precios razonables. Y por otro, recaudar fondos con fines culturales, destinaos al caltenimientu de la colección del Muséu y al desenvolvimientu d’actividaes culturales que se promueven mientres l’añu.
Si tas interesáu en donar daqué, puede entregarse nel Muséu nel horariu habitual d’atención al públicu y pueden resolver cualquier duda, o concertar una entrega fuera d’esi horariu, nel teléfonu 985 40 25 47.
