Nes coraes de Xixón esiste un edificiu que ve pasar el trescurrir de la vida na ciudá en silenciu. Asitiáu na Plaza del Institutu, o popularmente la Plaza del Parchís, l'edificiu conocíu como «La Casa Blanca» guarda sollerte la hestoria más cercana de la ciudá.
La Casa Blanca, una obra racionalista del arquiteutu Manuel del Bustu, foi concebida nel mesmu centru de Xixón, ensin saber que pocos años dempués de la so construcción xugaría un papel esencial na hestoria de Asturies. Ta documentáu como unu de los primeros edificios de la ciudá en sofitase sobre estructura de formigón, lo que dexó lliberar totalmente las murias de la so función de soporte.
Sicasí, lo importante d'esti edificiu, amás de que tres la Guerra Civil, el padre del arquiteutu agospióse nesti edificiu, tamién conocíu como Casona, ye que foi see del Gobiernu Republicanu d'Asturies mientres un curtiu periodu na Guerra Civil, conocíu como Conseyu Soberanu d'Asturies y Llión. Otru interés ye que nesti edificiu asitióse'l primer ascensor de Xixón.
Como podemos ver, anque paeza un simple edificiu, les construcciones d'una ciudá pueden cuntanos parte de la so hestoria y caltener el patrimoniu ye esencial pa ello.
