La Cascada de Oneta o La Firbia atopase nel conceyu de Villayón, concretamente nel pueblu de Oneta. Ta formada pol ríu Oneta, afluente d'un de los ríos más importantes d'Asturies, el Navia.

Numberosos turistes frecuenten cada añu esta cascada yá que esiste una guapa ruta pa poder llegar hasta ella. Tratase d'una ruta d'aprosimao 2 hores y media. Suel recomendase que s'empiece en Navia pa poder siguir agües enriba'l ríu.

Mientres esta ruta, traviésense numberosos pueblos típicos del occidente asturianu como castañera, Riestra o Llinera. En delles caseríes pueden vese, xunto coles corrolades y horros con techos de cayuela gris, los típicos cabazos: los horros ástur-galaicos. Tamién puede vese una antigua construcción que sirvía de central eléctrica pal pueblu, asina como un molín d'agua.

Una vegada se llegue a la cascada, hai una gran poza de color azul, arrodiada de numberoses roques y vexetación. A lo cimero cai la famosa cascada. Un pocu más embaxo atópense dos cascaes más pequenes, anque'l senderu pa llegar a elles pue tar mal acondicionáu.

Nesta ruta pueden vese distintos mamíferos típicos de la fauna asturiana como los corzos, los xabalís, los corpuspinos, les foines o les ginetas y aves, anfibios y reptiles.

Puedes obtener información más detallada sobre esta ruta na páxina web del Conceyu de Villayón o pulsiando nel siguiente enllaz..