Un de los bailles más representativos del oriente asturianu ye'l pericote. Nun principiu el baille realizabase d'una manera bien senciella y esquemática en tol oriente. D'esta miente, un home bailla con dos muyeres, pasando ente dambes, mientres describen la figura d'ocho. L'home bate palmes mientres se mueve afalándola escontra elles y, al igual qu'elles, realiza un senciellu pasu de doble bote con cada pie, escontra alantre o escontra los llaos. A partir d'estos movimientos esquemáticos ye posible que, en llugares como Llanes, evolucionara escontra formes mas complexes na danza que son les que conocemos güei, recibiendo'l nome de pericote llaniscu. D'antiguo facíalo una sola tríada, pero na actualidá suelse realizar en delles tríaes.

N'otres dómines, cantaben delles muyeres que s'acompañaben de pandereta y tambor. Cantábense romances y mas tarde coples sueltes, anque na actualidá lo mas frecuente ye interpretalo con gaita y tambor o caxa.

Munchos autores señalen el so posible calter eróticu, resultancia del aportar del home ente les dos muyeres, pa depués escoyer ente una d'elles. Munchos son los que coinciden na so antigüedá, y hai quien diz que data'l so orixe escontra 2.000 años.

El pericote se baila tanto en Parres, Cangas de Onís o Ponga como en Llanes o las Peñamelleres.

Equí vos dexamos un par de vídeos pa que podáis observar tanto'l pericote como'l pericote llaniscu.

Pericote:

Pericote llaniscu: