La economía circular ye un métodu interesante y ecolóxico esencial pa una convivencia responsable y qu'implementa el bienestar de los humanos, animales y el mediu ambiente.
LlobreGats, una asociación afincada en Barcelona, tien ente los sos oxetivos fomentar esti tipu d'economía, colo que curiar la salú ecolóxica de les nueses ciudaes. Son dellos los talleres y charres que Llobregats imparte pa concenciar sobro la necesidá de la economía circular. Ente los sos proyectos con esti oxetivu destaca la Familia Soste-Nible.
Tratase d'una miniserie animada avalada pol Ministeriu para la transición ecolóica del govierno d'España. Esta simpática familia ta compuesta por Teito, Garbigune, Bombeta y Nible, el so perru, que comparten en cada capítulu trucos y conseyos pa menguar y tratar adecuadamente la nuesa basura, yá que ye daqué que nos beneficia a tol planeta, enguapeciendolu y faciéndolo más duraderu. Ufiértennos conseyos sobro cómo tratar los restos de la madera, vidriu, monitores, restos vexetales… y una montonera de coses más.
Amás, como curiosidá, falen toles llingües del estáu español, incluyendo l'asturianu, polo que vamos poder esfrutar de los conseyos que mos da esta familia tamién na nuesa llingua.
Puedes esfrutar d'esta serie animada al traviés de la so APP (que puedes descargate na so web) o en YouTube:
