Seguro que tarás cansáu d'de sentir que la gaita ye un preséu tradicional y… asina ye. Sicasí, non por ser un preséu tradicional de la cultura asturiana hai de ciñise a la música popular d'Asturies. Munchos grupos asturianos que componen música contemporanea inclúyense en delles de los sos cantares. Un exemplu d'ello ye Desakato, banda líder nel punk-rock y naturales de Llanera, pero tamién otros como Dixebra, pioneros del rock n’Asturies.
Precisamente eso, l'usu de la gaita n'ámbitos que s'alloñen de lo común al rodiu del so usu, ye lo que ta trunfando na actualidá. Amás de les bandes de música mentaes enantes, nos últimos díes un mozu asturianu fíxose viral en diverses redes sociales como Tik Tok, Facebook o Instagram por versionar cola so gaita delles temes que son grandes ésitos na escena músical.
BZRP Music Session 52, de Bizarrap y Quevedo o Despechá, de Rosalía son dalgunos de les temes que Daniel Meré versionó y que decidió xubir a la so cuenta personal de Tik Tok. Lloñe de parar, el mozu decidió tamién incluyir nes sos versiones el famosu cantar de Melendi que fala sobro Fernando Alonso, El Nano.
