Dicen que reinventase ye la clave y más, nestos tiempos. LA NUEVA GRANJA tien una cierta ventaya sobre los demás, son espertos en comida a casa y asina lo demuestren toos estos años repartiendo los sos deliciosos platos a les nueses cases.
Ye difícil atopar tan ampliu espectru de comíes, pero LA NUEVA GRANJA tienlu y ensin perder un ápice calidable. El so esmeru centráse n'ufiertar comida asturiana, mediterránea, mexicana, postres caseros y hasta serviciu de catering (ensin escaecer menúes diarios) a unos precios más qu'algamadizos.
¿Y qué pasa con estos díes tan especiales que s'averen? Ye cierto qu'estes navidaes van ser distintes, pero una bona comida nos nuesos llares, nunca puede faltar. LA NUEVA GRANJA para Nuechebona y Nuechevieya, ellaboraron una carta d'especialidaes bien variada y petitosa.
Ente les opciones pa estes nueches señalaes, podemos abrir boca colos sos entrantes: aguacates rellenos del so ensaladilla de langostino, cámbaru y salsa rosa o ensalada de quesu de cabra a la plancha, mermelada de tomate y canutillos de cecina relleno de foie, ensin escaecenos el clásicu pastel de cabrachu o la sopa de mariscu.
De los sos fogones tamién salen una estensa llista de platos de mar y carnes pa tolos gustos. Tenemos de destacar la merluza gratinada al fornu con frutos de mar o llinguáu rellenu en salsa de mariscu pa los amantes del pexe. Pa los que prefieren carnes, llámanos l'atención la pierna de llechal macerada al fornu a baxa temperatura con piquillos y panaderes o los flamenquines rellenos de gambón, xamón serranu y quesu con alioli. Toos estos platos acompañaos cola so guarnición. Los postres caseros y la bodega son un bon final para esta deliciosa carta.
Ensin dulda, LA NUEVA GRANJA va acompañanos nos nuesos llares estos díes tan especiales, como distintos. Pueden realizase los encargos llamando al 985163595 o allegando a la so tienda en Cai Río Narcea 15, «LA NUEVA GRANJA», Xixón. Recomendamos consultar toes estes opciones y munches más nel so perfil oficial de Facebook (click equí) o nel so portal oficial. Tanto si ye la so carta o menúes diarios, como si deseyes les opciones esclusives pa Nuechebona y Nuechevieya, lo difícil va ser escoyer: LA NUEVA GRANJA ye la opción.
