La Ruta de la Olla de San Vicente ye una de les más sencielles dientro d'Asturies y ye bien popular na dómina braniza para realizala en familia.
Esta ruta ye d'intensidá baxa, con una duración de 2 hores y un llargor d'unos 5 kilómetros aprosimao. La guapura de la redolada ye lo que la caracteriza y fai que seya tan demandada polos turistes.
Pa llegar al puntu de partida hai que tomar dende Cangues d'Onís la carretera N-625 en dirección al Puertu del Pontón, pasando polos pueblos de Tornín y Miyares hasta atopar el «Restaurante Puente Dobra» a la izquierda, onde va ser fácil aparcar nes temporaes baxes.
Dende esi puntu empieza'l senderu en dirección a la Olla que va en paralelu al calce del Sella. De primeres puede vese la Ponte Dobra o Ponte vieya y, ensin crucialo, siguir de frente pol esendero.
Mientres el percorríu pueden atopase numberoses poces d'agua cristalino, qu'afalen al bañu, sobretou si tamos nun d'esos díes asturianos onde quema'l sol.
En llegando a la metá del percorríu'l camín entama a estrechase y escurre ente roques dalgunu de los tramos, sería l'únicu puntu onde habría que tener más curiáu colos más pequenos de la familia.
Si llegues a algamar una amplia pradería con frondosos árboles, ¡norabona! al caminar unos pasos más vas atopar la característica poza d'agües verdes ente les roques que da nome a esta ruta y a la que pon puntu y final. L'agua de la Olla de San Vicente vien del destemple de les montes que lu arrodien, polo que independientemente de la dómina del añu na qu'allegues, vas tar énte una sablera fluvial onde l'agua siempres cuerre a baxes temperatures.
