Una de les rutes más conocíes d' Asturies ye'l desfiladeru de Les Xanes. El trazáu d'esta ruta percuerre una senda estrecha tallada na roca nos años 50.

Amás, la intentación d'esti itinerariu yera construyir una carretera que comunicase los núcleos aisllaos col valle principal, pero que nunca llegó a terminase. 

La ruta de les Xanes toma'l nome d'un famosu personaxe de la Mitoloxía Asturiana. Son unes ninfes o faes d'agua duce que tomen forma de muyer pequeña, delgada y con voz melodiosa y que tienen una estraordinaria guapura. Habiten en cueves, fontes, cascaes y riberes de los ríos d'agües pures y cristalines. Tienen un pelo bien llargo, roxo y lliso, que suxeten con cintes de perlles y flores y peñen con peñes d'oru. Les xanes visten llargues faldes y ropa blanco. Apaecen frecuentemente na nueche de San Juan, sentaes sobre una roca, cantando y suxetando un duviellu de filu d'oru y plata que suelen apurrir a pastores o caminantes.

Información de la ruta:

  • Distancia: 3.8 km 
  • Dificultá: baxa-media
  • Altitú: 551
  • Desnivel: 358
  • A pie: 1 h. 30 min (Solo ida) 

Tamién nel añu 2002 la ruta foi declarada como Monumentu Natural.  Pel so interior escurre un regueru que desenvolvió al so alredor un fondu monte atlánticu de fayes, pládanos, ablanares y castañales. El poder erosivu d'esti caudal foi tan importante que de la mesma modeló un escobiu na roca caliar que compón la xeoloxía d'esti paisaxe.

La ruta de les xanes

Empecipiamos la ruta na Área recreativa Molín de Les Xanes. Empezamos a andar xusto al llau de la carretera xeneral que conduz de Trubia a Proaza. De primeres de la ruta vamos tener que caminar unos metros per una inclinada carretera, pa depués siguir per un senderu. Dempués de tomar una curva y pasar un pequeñu túnel yá enfotanos de llenu nel cañón del ríu Biescas.

Esisten dellos tramos de túneles, y tres el postreru, vamos dar cola parte más forestal de la ruta. Salimos de les verticalidaes del escobiu pa empezar a remontar el ríu qu'escurre somorguiáu nun mestu castañal que ye fayedal y carbayera na so parte más cimera.

En travesando'l ríu empieza la parte con más desnivel de la ruta. Vamos siguir al traviés d'unes escaleres de madera que nos saquen al camín que comunica a los pueblos de Pedroveya y La Rebollá. Siguimos xubiendo pa llegar a los praos nos que se cha esti nel pueblu quirosanu, sol cume de La Mostayal. La vuelta podemos realizala pel escobiu de nuevu, o xubiendo al pueblu de Dosango y baxando per un valle escontra'l puntu d'entamu.

Si quies conocer mas rutes per Asturies pincha nel enllaz.