La TPA cuenta emitir demientres la selmana santa ́l programa infantil ANIMALADA XABAZ. Trátase d ́un espaciu televisivu nel qu ́actores, músicos y muñecos collaboren pa igüar un productu entreteníu y didáuticu al empar, y que ta entamáu por Covenant Audiovisuales en comuña con Carlos Alba «Cellero».

ANIMALADA XABAZ bebe de les fontes de la cultura popular asturiana, el teatru de títeres y la música rock. Foi ún de los proyeutos escoyíos na convocatoria «Asturies crea sinerxies», entamada pola Conseyería de Cultura, Política Llingüística y Turismu, y la RTPA. El programa sofítase nuna idea orixinal de Covenant Audiovisuales y Carlos Alba «Cellero», y ta empobináu a públicu infantil y familiar, mandándose de l ́asturiano comu llingüa vehicular. El gallegu-asturianu tamién va sentise na fala d ́ún de los personaxes.

ANIMALADA XABAZ tien tres estayes que delles veces s ́entemecen ente elles:

  1. Un cuentu qu ́escenifiquen los personaxes de «Cellero» y la so fia «Fefa», xunto con tres muñecos que representen otros tantos animales: la osa Sabela, el xabaril Xuacu y la cabra Telva. Los títeres diseñólos ya igüolos Andrea Lobo, y los dibuxos David Cavernario. Tamién se cuenta cola actuación del cafiante trasgu Nalón.
  2. Una estaya pedagóxica que protagonicen Fefa (que interpreta Carmen Gloria) y Enol, un mozu “neorrural” que fae por deprender la llingüa asturiana.
  3. Una parte musical empobinada a los neños mas grandes, na que'l grupu «Anti-Pop» toca un cantar de rock-punk, compuestu por Maxi Compán, de la banda «Fé de Ratas».

Arriendes d ́ello, en cinco de los ocho capítulos enxértase una entrevista a una persona relevante dientro de la cultura asturiana empobinada a la reciella. Les persones entrevistaes son: Iris Díaz Trancho, escritora y representante de l ́asociación Reciella; el músicu David Varela; l'actriz y cuntacuentos Ana Morán; l ́escritor y académicu de la llingüa Pablo Rodríguez Medina, y Mar Álvarez, cantante del grupo Petit Pop.

ANIMALADA XABAZ cuntó cola revisión llingüística y didáutica de Milio Rodríguez Cueto, y la de Xosé Miguel Suárez Fernández «Tapia» pal casu del gallegu-asturianu. Además de Carlos Alba, la interpretación lleváronla les actrices Carmen Gloria, Verónica Rodríguez ya Isabel Friera, y'l músico Maximino Compán, que cola so banda «Fé de Ratas» grabó la música de cabecera. Andrea Lobo foi tamién la direutora d ́arte. La direición corrió por cuenta d' Omar Tuero, que xunto con Leire Alvarez y Fran Alonso forma Covenant Audiovisuales.

Estratexa tresmedia

ANIMALADA XABAZademás de ser un proyeutu audiovisual empobináu sobremanera pa la televisión, va cuntar con una estratexa tresmedia, amestando d ́este xeito métodos nuevos de producción narrativa, comu la xeneración de conteníos multimedia, l ́usu de carauterístiques interactives y la implicación direuta de l'audiencia.

Covenant ye una productora audiovisual asturiana que ta formada por los profesionales: Omar Tuero (director), Leire Álvarez (llicenciada'n Cominucación Audiovisual pola Universidá del País Vasco y Técnicu Superior en Realización d'Audiovisuales y Espectáculos por el CIFP de Comunicación, Imaxe y Sonido Llángreu) y Fran Rubio (técnicu Superior en Realización, Imaxen, Formación , Edición y Postproducción d ́Imaxe). Xunto col actor, cuntacuentos y periodista Carlos Alba «Cellero», son los reponsables de dar a lluz ANIMALADA XABAZ.