La bayura de liquen (asociación d'alga y hongu) ye una de les característiques destacables de la población vexetal de Muniel.los, envalorándose en más de mil especies les esistentes nesta reserva. La presencia de dalgunos d'estos liquen indica una gran pureza del aire, pos son bien sensibles a la contaminación atmosférica – hasta'l puntu de constituyir un escelente indicador del grau de contaminación – .
Un de los líquenes más abundantes en Muniel.los, y de los que más llamen l'atención del visitante, ye'l Usnea barbata - que davezu recibe'l nome de barbas de cacuchino -, d'aspeutu filamentoso y que puede reparase colgando de les cañes de los árboles. El Usnea ye un liquenes epífito, esto ye, vive sobro otru vexetal aprovechando como soporte los resquiebros de la corteza; el carbayu albar, de corteza rugosa y poco aceda, apurre a estos liquen un bon sustrato. Los liquen epífitos aprovechen pa crecer y desenvolvese la dómina en que los árboles tán desprovistos de fueyes, siendo ésti'l momentu nel que resulten más evidentes.
Amás del Usnea, en Muniel.los abunden otros líquenes epífitos como los de los xéneros. Lobaria, Nephroma, Pannaria, Platismatia, Pseudoevernia, Evernia, Parmelia, Parmeliopsis y Cetraria. Dientro de los liquen saxícolas – los que viven sobro roques – falar de liquen silicícolas cuando crecen sobro roques de tipu xilizu. En Muniel.los, los liquen saxícolas-silícolas pueden atopase en roques y bloques de canchales, y tán representaos, ente otros, por xéneros como Rhizocarpon, Parmelia, Parmelina, Lecanora, o Hypogimnia.
Otru tipu de liquen son los terrícoles, que crecen directamente sobro suelos yá más formaos; ente éstos podemos mentar los del xéneru Cladonia - coles ablucantes especies de coccidera y pyxdara -, Diploschistes o Peltigera.
