Casi 3.000 participantes de toa Asturies fixeron llegar toles sos obres para'l Concursu de Dibuxu de L’Anguleru.

Hasta al Acuariu de Xixón, centru de recepción de les ilustraciones, llegaron obres de too tipu, acuareles, colaxs, carboncillos…cola temática de L’Anguleru y el to conceyu como leitmotiv. La mayor parte de los dibuxos veníen de los más de 120 colexos asturianos que s'animaron a unviar les obres de los sos alumnos anque tamién hai que reseñar los trabayos llegaos dende otros puntos d'España como Cádiz, Valencia, Valladolid inclusive París y Londres. Les comunidaes educatives de Mieres, Xixón y Uviéu fueron les más actives nesta edición del concursu aportando a casi un terciu de los dibuxos presentaos.

Les cinco categoríes na que se s'estremaba'l concursu y qu'entendía dende l'añu d'edá hasta los 13 años dio cinco ganadores que se van llevar regalos de L’Anguleru y un pase añal para cuatro miembros de la familia. Tolos galardonaos van recibir un diploma de L’Anguleru que-yos fadremos llegar a lo llargo del mes de febreru al pie de los premios.

Asímismo, L’Anguleru va nomar a los colexos participantes EMBAXADORES DE L’ANGULERU 2021 y va unvialos una carta y un diploma para estima-yos el trabayu realizáu mientres el mes d'avientu col espardimientu y la promoción de la maxa de L’Anguleru per Asturies.

Si nel to colexu participastis nel concursu o trabayastis la figura de L’Anguleru y de la Navidá Asturiana en clase, puede solicitase por aciu el siguiente formulariu'l diploma de EMBAXADOR DE L’ANGULERU 2021.

FORMULARIU: https://docs.google.com/forms/d/e/1FAIpQLSejBi7IdbHvGRgyqbUVQHia8d-pW6rsQbRMXKKHRq5or6m8zA/viewform

Amás anguaño van ser nomaos EMBAXADORES D'HONOR DE L’ANGULERU radiar Televisión del Principáu d'Asturies (RTPA) por dedicar un programa especial a L’Anguleru y a la Navidá Asturiana na tarde de Nuechebona y el Serviciu de Normalización Llingüística de Grau y Candamo.

Por cuenta de la pandemia, nun se va celebrar la gala d'entrega de los galardones como se realizaba cada últimu domingu de xineru, esperando que la situación camude y que dientro d'un añu toos puedan axuntase nel auditoriu del Acuariu de Xixón na gala de los EMBAXADORES DE L’ANGULERU.