Esti vienres 14 sigue, cola segunda actuación, el VI Festival de Teatru Profesional Nel Amaro. Nesta ocasión trátase d'una obra teatral creada por Carlos Alba Cellero y titulada Les madreñes vacíes. La pieza represéntase nel Teatru Filarmónica d'Uviéu y l'entrada ye de baldre hasta enllenar l'aforu.

Andando pel mundu, un xuglar atópase con Miguelín, un neñu al qu’esti añu nun-y dexaron nada los reis magos. Dambos entamen un viaxe hacia Oriente. Ellí van descubrir qu’a Gaspar, Melchor y Baltasar secuestrólos el Señor de la Guerra, y van tener que los lliberar. Una fábula prestosa interpretada por un xuglar que remana los títeres, la música y la palabra poética pa facenos viaxar cola imaxinación.