Cada selmana vas poder atopar en VerAsturies.com les recetes llambiones de la escritora Beatriz Rato.
-Pal bizcochu: 6 güevos, 250 gramos d’azucre, 250 gramos de farina, azucre y mantega, un papel gordu del tamañu del fornu.
-Pal rellenu: 250 gramos d’azucre, 12 yemes de güevu, un vasín d’agua.
-Pal bañu: 250 gramos d’azucre, un vasín d’agua, unes gotines de vinagre.
Pa facer el rellenu:
Bater los huevos col azucre poniéndolos a un fueu mui suave pa que la miesta suba más. Añidir y mecer la farina con curiáu con una cuyar de palu. Echar la masa nuna manga con boquiella ancha y llisa. Untar el papel con mantega y esparcer la masa enriba faciendo tires. Espolvoriar con azúcre y cocer a fornu templáu.
Pa facer el rellenu:
Preparar un almíbre col azucre y l’agua. Bater les yemes y añidiles a pocoñinos al almíbre revolviendo ensin aparar.
Pal bañu:
Facer un almíbre col azucre, l’agua y dos o tres gotines de vinagre. Cuando tea a puntu de freba fuerte ( esto ye, cuando al cayer unes gotes enriba un platu cuayen darréu), bater con una cuyar de palu poniendo el recipiente onde se fizo l´almibre de lláu; aparar de bater cuando tea blanco.
Sacar los bizcochos del fornu y dexalos enfrescar. Partilos pola mitá y rellenalos. Bañalos col almíbre y metelos nel fornu suave un pocoñín a secar.
