Cada selmana vas poder atopar en VerAsturies.com les recetes llambiones de la escritora Beatriz Rato.

Ingredientes:

Pa la masa: dos llámines fines d’hoxaldre conxelao, una tacina d’aceite.

Pal rellenu: tres güevos, 80 gramos d’almendres molíes, 80 gramos d’ablanes molíes, 80 gramos de nueces molíes, 250 gramos d’azucre molío, un plizcu d’anisinos, un plizcu de vainilla, un chorrín d’agua d’azahar.

Pal xarabe: 100 gramos d’azucre, un vasín d’agua, xugu d’un llimón.

Procedimientu:

Aplastar l’hoxaldre col rodillu na meseta de la cocina previamente enfariñada pa que quede una llámina perfinina. Cortar cachos rectangulares, como de 10x12 centrímetros de llargues.

Preparar el rellenu batiendo los huevos y añadiendo-yos l’azucre, los frutos secos y les especies. Engrasar un rectángulo d’hoxaldre col aceite usando los deos y poner enriba una cuyaradina apinada de la miesta de frutos secos. Enrollar dando-yos forma de cilindru. Cubrir una bandexa del fornu con papel d’aluminu engrasáu con un pocoñín d’aceite y meter a cocer al fornu previamente calentáu a 210 graos hasta que l’hoxaldre tea doráu.

Ferver selemente l’azucre, l’agua y el llimón hasta da-y la gordura d’un xarabe.

Asitiar los cilindros cocíos nuna fonte y regar col xarabe. Servir fríos.