Cada selmana vas poder atopar en VerAsturies.com les recetes llambiones de la escritora Beatriz Rato.
Ingredientes:
Un litru de llechi, tres yemes, una rama de canela, 6 cuyaraes soperes d’azucre, un cachu de corteya de llimón, tres cuyaraes de “Maicena”.
Procesu:
Separtar de la llechi una taza y poner a ferver lo otro col azucre, la canela y el llimón. Deslleír na llechi apartao la “Maicena” y les yemes. En ferviendo la llechi, añidi-y esta miesta fría, baxar el fueu y revolver con una cuyar de palu, dexándolo cocer tres o cuatro minutos. Enfrescar nun moldiu de cristal o cachu revolviendo delles veces pa que nun enteste la parte cimera.
Anantes de servilo, saca-y la canela y la corteya de llimón. Pué espolvoriase con un pocoñín de canela molío.
