Cada selmana vas poder atopar en VerAsturies.com les recetes llambiones de la escritora Beatriz Rato.
Ingredientes:
50 gramos d’arroz, ½ llitru de llechi abondante, una rama de canela, un plizcu de sal, 200 gramos d’azucre, 125 gramos de mantega, 100 gramos de fruta confitao, 25 gramos de pases de Corintu, 4 yemes, dos clares.
Procedimientu:
Poner a ferver l’arroz n’agua salao y, cuando tea estirao, cocer cola llechi y la canela. En tando ya casi fecho, añidir l’azucre y la mantega y seguir la cocción revolviendo ensin aparar.
Dexar enfrescar y echar la fruta picao menudo y les pases, les yemes revueltes y les clares batíes a puntu ñeve. Verter nun moldiu engrasáu y cocer al bañu maría.
Cuando-y falte poco, meter diez minutos a fornu suave.