Ver Asturies
Xintar y beber

Les recetes llambiones de Beatriz Rato: Pastel de la Tomasa

Cada selmana vas poder atopar en VerAsturies.com les recetes llambiones de la escritora Beatriz Rato.

Ingredientes:

Un güevu, 7 cuyaraes de farina, 7 cuyaraes d’azucre, 7 cuyaraes de llechi, una cuyarada de flanín en polvu, una cuyarada de formientu, arralladura de mediu llimón.

Procedimientu:

Bater bien el güevu, añidir la llechi y seguir batiendo.

Notra fonte echar l’azucre, la farina, el flanín, el formientu y l’arralladura de llimón y mecelo bien. Añidir el güevu y llechi mecíos a pocoñinos.

Verter nun moldiu engrasáu y cocer a fornu fuerte hasta que al pinchalu con una aguya salga llímpia.

Según gustos, en tando frio, pué emborrachase con almíbre o cortalu pola mitá y rellenalu con crema de chicolate, pastelera, etc. (ver recetes).

Related posts

Día del Pá: 3 sitios onde celebrar esta fecha

Redacción
1 year ago

Les recetes llambiones de Beatriz Rato: Pastelinos de puré de patata

Beatriz Rato
3 years ago

TOP 4 de bebies refrescantes asturianes

Redacción
3 years ago
Exit mobile version